വിശപ്പ്

എന്റെ ഓർമകൾ എത്താത്തൊരിടത്ത്
ബിഗ് ബാംഗിനു മുൻപായിരിക്കണം
അല്ലെങ്കിൽ ആദ്യത്തെ ജീവകണം
കുളിച്ചു തോർത്തി കരയിലേക്ക് കയറവേ
അതല്ലെങ്കിൽ ആദ്യത്തെ തീപ്പൊള്ളലിൽ
അതുമല്ലെങ്കിൽ ഇന്നലെകൾ പഴക്കത്തിൽ
നാഭി നാളം മുറിച്ചെന്നെ വേർപെടുത്തിയിടത്ത്
ഗർഭപാത്രത്തിലേക്ക് തിരിച്ച് പോവണമെന്ന്
ഞാൻ നിലവിളിച്ച് കൊണ്ടിരിക്കവേ

തുടങ്ങിയതായിരിക്കണം
ഈ വിശപ്പ്
വല്ലാത്തത്